जनकपुर आइपुग्यो एक अर्ब लागतमा किनिएको नेपालको आफ्नै रेल
३ असोज/अर्थ र व्यापार- रेल विभागले कोकन रेल्वे कर्पाेरेसन लिमिटेडसँग जीटूजी (सरकार टू सरकार) मार्फत खरीद सम्झौता गरेको २ वटा १६०० एचपी डेमु रेल नेपाल आइपुगेको छ ।
विभागले भारत सरकारको मातहतमा रहेको कोकन रेलवे कर्पोरेसनसँग भन्सार शुल्कबाहेक झण्डै ८४ करोड (८३ करोड ९३ लाख ६० हजार) मा २ वटा रेल किनिएको हो ।
नेपालको आफ्नै रेल चलाउने योजनाअनुसार विभागले जीटूजी (सरकार टू सरकार) मार्फत १० मे २०१९ मा रेल खरीदसम्बन्धी सम्झौता गरेको थियो । बिहीबार भारतको जयनगर आइपुगेको नेपाली रेल शुक्रबार दिउँसो करिब २ बजे जनकपुरधामस्थित प्लेटफर्ममा आईपुगेका हो ।
६ वर्षको प्रतीक्षापछि कुर्था–जनकपुरधाम –जयनगरसम्म रेल गुडाउनका लागि खरिद गरेको रृलको एउटा ट्रेन सेटले एकपटकमा करीब १३ सय यात्रु बोक्छ भने प्रतिघण्टा ११० किलोमिटर कुद्छ । रेलको अगाडि र पछाडि गरी ४ सेट इन्जिन छन् । एउटा रेलमा ५ वटा डिब्बा छन् । एउटा ड्राइभिङ्ग पावर कार, एउटा ड्राइभिङ्ग ट्रेलर कार, २ वटा जेनरल ट्रेलर कार र एउटा एसी ट्रेलर कार छ ।
दुवै सेट रेल जनकपुरधाम आइसके पनि तत्कालका लागि उद्घाटनको कुनै कार्यक्रम नरहेको विभागका महानिर्देशक बलराम मिश्रले बताए । मिश्रले रेल सेटको सुरक्षाका लागि फेरि भारतको जयनगर स्टेसन नै फर्काइने बताए ।
विसं. १९९४ सालमा इष्ट इण्डिया कम्पनीले नेपालको जंगलबाट काठ लानका लागि कोइलाबाट चल्ने रेल्वे लाइनको विस्तार गरेको थियो । २०५१ सालदेखि भारत सरकारको सहयोगमा स्टिम इन्जिनयुक्त रेल संचालनमा आएको थियो । न्यारोगेज रेललाइनलाई विस्तार गर्नका भन्दै २०६१ साल माघ महिनादेखि उक्त रेल सेवा बन्द गरिएको थियो ।
भारतको जयनगरदेखि महोत्तरीको बर्दिवाससम्म ६९ किलोमिटर रेल्वे मार्गमा रेल सञ्चालन ल्याउने तयारीमा विभाग रहेपनि पहिलो चरणमा भने ३५ किलोमिटर रेल सेवा मात्रै सञ्चालन ल्याउने योजना विभागको छ ।
परियोजनाको प्रथम चरणमा जयनगर–कुर्था ३५ किलोमिटर रेलमार्ग तयारी अवस्थामा छ भने दोस्रो चरण अन्तर्गत धनुषाको कुर्थादेखि महोत्तरीको भंगहासम्म १७ किलोमिटरमा लिक निर्माणको काम भइरहेको छ । तेस्रो चरणमा महोत्तरीको भंगहादेखि बर्दिवाससम्म १७ किलोमिटर खण्डमा रेल्वे सेवा सञ्चालनमा ल्याउने रेल विभागको योजना छ ।
लामो समयपछि नेपालमा फेरि पनि रेल सञ्चालनमा आउने भएपछि जनकपुरवासीमा खुसियाली छाएको छ । रेलको स्वागत गर्नका लागि जनकपुरधामस्थित प्लेटफर्ममा हजारौँको संख्यामा स्थानीय जम्मा भएका थिए ।
सम्बन्धित शीर्षकहरु
मुख्य खबर
तीनकुनेमा राजावादीको प्रदर्शन: प्रहरी र प्रदर्शनकारीबीच झडप, क्षणभरमै रणमैदान
काठमाडौंको तीनकुने क्षेत्रमा राजावादीहरूले तोकिएको घेरा तोड्न खोजेपछि प्रदर्शनकारी र प्रहरीबीच झडप भएको छ । अवस्था तनावग्रस्त भएको छ ।
नेपालको गरिबी निवारणमा रेमिट्यान्सको भूमिका महत्वपूर्ण : विश्व बैंक
विश्व बैंकले नेपालको गरिबी निवारणमा रेमिट्यान्सको भूमिका महत्वपूर्ण रहेको जनाएको छ । यसैगरी, विश्व बैंकले नेपालले चरम गरिबी लगभग निवारण गरेको र गरिबी न्यूनीकरणमा उल्लेखनीय सफलता हासिल गरेको बताएको छ ।
सरकारले संसदमा दर्ता गर्यो सामाजिक सञ्जालसम्बन्धी विधेयक
सरकारले सामाजिक सञ्जालसम्बन्धी विधेयक संसदमा दर्ता गराएको छ । राष्ट्रिय सभामा सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङले सो विधेयक संसदुमा दर्ता गराएका हुन् ।
स्वदेशी र विदेशी पर्यटकको आकर्षक गन्तव्य बन्दै रिभरफन बिच रिसोर्ट
चितवनको कुरिनघाटस्थित रिभरफन बिच रिसोर्टमा लगानी थपेर क्षमता विस्तार गरिएपछि रिसोर्ट एजुकेशन र एड्भेञ्चर हवको रुपमा विकास भएको छ । रिभरफन बिच रिसोर्ट, काठमाडौंवाट ९९ किलोमिटर दुरीमा
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया