नेपाल धितोपत्र बोर्डद्वारा गैरकानुनी कारोबार गर्नेलाई छुट्टै पुनरावेदन न्यायाधिकरण गठन गरिने
२२ असार / अर्थ र व्यापार - पूँजी बजारमा गैरकानुनी कारोबार गर्नेलाई नेपाल धितोपत्र बोर्डले छुट्टै पुनरावेदन न्यायाधिकरण गठन गर्ने भएको छ । धितोपत्र ऐन २०६३ संशोधन गर्दै विद्यमान पुनरावेदन सम्बन्धी व्यवस्थामा नयाँ दफा थप गर्दै पुनरावेदन न्यायाधिकरण गठन गर्ने प्रकृया अघि बढाएको हो । ऐन संशोधनका लागि तयार गरिएको मस्यौंदामा बोर्डलाई ’नेपाल धितोपत्र आयोग’मा परिणत गर्ने प्रस्ताव समेत गरिएको छ ।
मस्यौंदामा सूचीकृत कम्पनीलाई खारेजीमा लैजाने, दण्ड जरिवाना गर्ने र दण्ड जरिवानामा चित्त नबुझाउनेलाई आयोगले छुट्टै पुनरावेदन न्यायाधिकरण गठन गर्न सक्ने व्यवस्था गरेको छ । न्यायाधीकरणको फैसलामा चित्त नबुझे सर्वोच्च अदालत जान सक्नेछन् । यस अघि बोर्डले गरेको सजाय उपर चित्त नबुझे धितोपत्र बजार, धितोपत्र व्यवसायी, सङ्गठित संस्था वा सम्बन्धित व्यक्तिले सजाय पाएको पैँतिस दिनभित्र सम्बन्धित पुनरावेदन अदालतमा पुनरावेदन गर्न सक्ने व्यवस्था थियो।त्यो फैसला चित्त नबुझे मात्रै सर्वोच्च जान सक्ने व्यवस्था थियो ।
अर्थ मन्त्रालयले तीन सदस्यीय पुनरावेदन न्याधिकरण गठन गर्न सक्ने व्यवस्था गरिएको छ।सदस्यमा उच्च अदालतको बहालवाला वा पूर्व न्यायाधीश, आयोगबाट सिफारिस भएका तीन जना पूँजी बजार विज्ञ बाट एकजना र महालेखा नियन्त्रकको कार्यालयबाट सिफारिस गरिएका तीन जना लेखा विज्ञबाट एकजाना सदस्य रहन सक्ने व्यवस्था विधेयकमा छ ।
न्यायाधिकरणमा नियुक्त हुने सदस्यको अवधि पाँच वर्षको हुनेछ। कम्तीमा ३५ वर्ष पूरा भएको वाणिज्य सम्बन्धी कानुन, लेखा,लेखा परीक्षण, व्यवस्थापन वा अर्थशास्त्र बिषयमा स्नाकोत्तर गरी सम्बन्धित क्षेत्रमा कम्तीमा १० को अनुभव भएका व्यक्ति न्यायाधिकरणकालागि योग्य हुने छन् । पुनरावेदन न्यायाधिकरणको सचिवालय आयोगको कार्यालयमा रहने छ ।
सम्बन्धित शीर्षकहरु
मुख्य खबर
तीनकुनेमा राजावादीको प्रदर्शन: प्रहरी र प्रदर्शनकारीबीच झडप, क्षणभरमै रणमैदान
काठमाडौंको तीनकुने क्षेत्रमा राजावादीहरूले तोकिएको घेरा तोड्न खोजेपछि प्रदर्शनकारी र प्रहरीबीच झडप भएको छ । अवस्था तनावग्रस्त भएको छ ।
नेपालको गरिबी निवारणमा रेमिट्यान्सको भूमिका महत्वपूर्ण : विश्व बैंक
विश्व बैंकले नेपालको गरिबी निवारणमा रेमिट्यान्सको भूमिका महत्वपूर्ण रहेको जनाएको छ । यसैगरी, विश्व बैंकले नेपालले चरम गरिबी लगभग निवारण गरेको र गरिबी न्यूनीकरणमा उल्लेखनीय सफलता हासिल गरेको बताएको छ ।
सरकारले संसदमा दर्ता गर्यो सामाजिक सञ्जालसम्बन्धी विधेयक
सरकारले सामाजिक सञ्जालसम्बन्धी विधेयक संसदमा दर्ता गराएको छ । राष्ट्रिय सभामा सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङले सो विधेयक संसदुमा दर्ता गराएका हुन् ।
स्वदेशी र विदेशी पर्यटकको आकर्षक गन्तव्य बन्दै रिभरफन बिच रिसोर्ट
चितवनको कुरिनघाटस्थित रिभरफन बिच रिसोर्टमा लगानी थपेर क्षमता विस्तार गरिएपछि रिसोर्ट एजुकेशन र एड्भेञ्चर हवको रुपमा विकास भएको छ । रिभरफन बिच रिसोर्ट, काठमाडौंवाट ९९ किलोमिटर दुरीमा
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया