लगानीकर्ताको सम्पत्ति ५ अर्बले बढ्यो
८ असार / अर्थ र व्यापार - बुधबार नेप्से परिसूचक ३ दशमलव ६२ अंक बढेको छ । परिसूचक बढेसँगै लगानीकर्ताको सम्पत्ति पनि ५ अर्ब बढेको छ । अघिल्लो दिन १ हजार ५ सय ५० को टेवा परीक्षणमा रहेको नेप्से परिसूचक यस दिन सोही बिन्दुमा टेवा पाएर उकालो लागेको हो । बजार खुलेदेखि ओरालो लागेको नेप्से कारोबारको १ घन्टा अवधिपछि बढ्न थालेको थियो । मध्याह्नमा १ हजार ५ सय ५८ बिन्दुमा पुगेको नेप्से बजारमा बिक्रीकर्ताहरूको चाप बढ्न थालेपछि अन्तिम समयमा सामान्य घटेर १ हजार ५ सय ५४ दशमलव ६९ बिन्दुमा बन्द भएको छ ।
नेप्से परिसूचक बढे पनि यस दिन कारोबार रकममा भने केही सुधार हुन सकेन । तरलताको कमी र सेयर आपूर्ति बढेका कारण कारोबार रकम घट्ने क्रममा रहेको छ । अघिल्लो दिनको तुलनामा यस दिनको कारोबार रकम ११ करोड १७ लाख घटेको छ । लगानीयोग्य पुँजी बढाउन बैंकहरूले दिइरहेको उच्च ब्याजदरले पनि कारोबार रकममा प्रभाव परेको छ ।
नेप्सेको १४ दिने आरएसआई यस दिन ३५ दशमलव ५१ स्केलमा रहेको छ । आरएसआई न्युट्रल जोनमा रहनुले बजारमा सेयर खरिद बिक्री चाप सन्तुलनमा रहेको संकेत गर्दछ । ‘क’ वर्गको कारोबार मापन गर्ने सेन्सेटिभ इन्डेक्स यस दिन शून्य दशमलव ६८ अंक बढेर ३ सय २९ दशमलव ७५ बिन्दुमा पुगेको छ । यस दिन १ सय ५२ कम्पनीको ४ हजार ७ सय ८९ पटकको कारोबारमा रू. ४६ करोड ७५ लाखबराबरको ८ लाख ९३ हजार कित्ता सेयर खरिद बिक्री भयो । यस दिन एभरेष्ट बैंकको रू. ४ करोड १० लाखबराबरको सेयर कारोबार भएको छ । फरवार्ड कम्युनिटीको सेयर मूल्य यस दिन ६ प्रतिशत बढेको छ भने हिमालयन डिस्टिलरीको सेयर मूल्य साढे ७ प्रतिशत घटेको छ ।
यस दिन बिमा समूहको परिसूचक शून्य दशमलव ३९ प्रतिशत, बैंकिङ समूहको शून्य दशमलव ३३ प्रतिशत, होटेल समूहको शून्य दशमलव ३१ प्रतिशत र विकास बैंक समूहको शून्य दशमलव १७ प्रतिशत बढेको छ । कारोबारमा आएको उत्पादनमूलक समूहको परिसूचक शून्य दशमलव ३४ प्रतिशत, वित्त समूहको शून्य दशमलव २ प्रतिशत, ‘अन्य’ समूहको शून्य दशमलव १७ प्रतिशत र जलविद्युत् समूहको शून्य दशमलव शून्य ८ प्रतिशत घटेको छ ।
सम्बन्धित शीर्षकहरु
मुख्य खबर
तीनकुनेमा राजावादीको प्रदर्शन: प्रहरी र प्रदर्शनकारीबीच झडप, क्षणभरमै रणमैदान
काठमाडौंको तीनकुने क्षेत्रमा राजावादीहरूले तोकिएको घेरा तोड्न खोजेपछि प्रदर्शनकारी र प्रहरीबीच झडप भएको छ । अवस्था तनावग्रस्त भएको छ ।
नेपालको गरिबी निवारणमा रेमिट्यान्सको भूमिका महत्वपूर्ण : विश्व बैंक
विश्व बैंकले नेपालको गरिबी निवारणमा रेमिट्यान्सको भूमिका महत्वपूर्ण रहेको जनाएको छ । यसैगरी, विश्व बैंकले नेपालले चरम गरिबी लगभग निवारण गरेको र गरिबी न्यूनीकरणमा उल्लेखनीय सफलता हासिल गरेको बताएको छ ।
सरकारले संसदमा दर्ता गर्यो सामाजिक सञ्जालसम्बन्धी विधेयक
सरकारले सामाजिक सञ्जालसम्बन्धी विधेयक संसदमा दर्ता गराएको छ । राष्ट्रिय सभामा सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङले सो विधेयक संसदुमा दर्ता गराएका हुन् ।
स्वदेशी र विदेशी पर्यटकको आकर्षक गन्तव्य बन्दै रिभरफन बिच रिसोर्ट
चितवनको कुरिनघाटस्थित रिभरफन बिच रिसोर्टमा लगानी थपेर क्षमता विस्तार गरिएपछि रिसोर्ट एजुकेशन र एड्भेञ्चर हवको रुपमा विकास भएको छ । रिभरफन बिच रिसोर्ट, काठमाडौंवाट ९९ किलोमिटर दुरीमा
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया