२४ फागुन/अर्थ र व्यापार – नवनियुक्त अर्थमन्त्री वर्षमान पुनले बुधबार नै अर्थ मन्त्रालयमा पदभार ग्रहण गरेका छन् । बुधबार साँझ राष्ट्रपति भवन शीतल निवासमा राष्ट्रपति रामचन्द्र पौडेल समक्ष पद तथा गोपनियताको शपथ ग्रहण गरेपछि अर्थ मन्त्रालयमा पुगेर उनले पदभार ग्रहण गरेका हुन् ।
नवनियुक्त अर्थमन्त्री पुनलाई अर्थ मन्त्रालयमा अर्थ सचिव कृष्णहरी पुष्करसहित कर्मचारीहरुले स्वागत गरेका थिए । उनले राजस्व बृद्धिलाई दोब्बर बनाउने पहिलो निर्णय समेत गरेका छन् । उनले प्राथमिक्ता निर्धारण गरेर देसको अर्थतन्त्र सुधार्ने प्रतिवद्धता समेत व्यक्त गरे । अर्थमन्त्रीको पदभार ग्रहण गर्दै उनले आगामी दिनमा देशमा उत्पन्न आर्थिक संकट समाधान गर्ने प्रतिबद्धता जनाए ।
नव नियुक्त अर्थमन्त्री पुनले आफुले सक्दो प्रयासगरि आर्थिक क्षेत्रको सुधारको लागि काम गर्ने बताए । उनले आगामी दिनमा आफुले तीन खम्बे अर्थनीतिमा मुलुकलाई अघि बनाउने र हाल सहकारीहरुमा उत्पन्न समस्या हल गर्ने बताए ।
‘सजिलो छैन, मलाई थाहा छ, सन् २००८ लगत्तै अर्थमन्त्री हुँदा विश्वव्यापी आर्थिक मन्दीको अवस्थामा पनि सकुशल नेतृत्व गरेको हुँ । त्यो अनुभव, शिक्षा र आजको प्राथमिकताका साथ काम गरेर अर्थतन्त्रमा आशा जगाउनेछु’ अर्थमन्त्री पुनले भने ।
उनले हाल देखिएको जनताको भोकलाई बुझेर, सरकारको प्राथमिकता, प्रधानमन्त्रीको दिशानिर्देशको आधारमा अर्थमन्त्रालयको बिज्ञ टिमको सहयोगमा काम गर्ने बताए ।
‘अहिले आफुले सम्हालेको मन्त्रालय असाध्यै जिम्मेवार महसुस गरेको छु । पहिलो पटक अर्थमन्त्री हुँदा गुरिल्ला अर्थमन्त्री भन्थे । धेरै मानिसहरुले २÷३ महिनासम्म अर्थमन्त्रीको रुपमा मलाई पत्याएनन् । त्यसबेला धेरै कुराहरु सिक्ने अवसर पनि मिल्यो’ नवनियुक्त अर्थमन्त्री पुनले भने ।
उनले मुलुकको राजस्व परिचालनलाई थप शसक्त बनाउने बताएका छन ।
‘अर्थतन्त्रको सबै क्षेत्रमा समस्य छैन राजस्व परिचालन गत वर्षको तुलनामा १० प्रतिशत बढी छ । अब यसलाई दोब्बर बनाउन सकिन्छ भन्ने विस्वास मलाई लागेको छ’ उनले भने । आफुले धेरै विज्ञहरुसंग पनि कुरा गरेको भन्दै उनले मन्त्रालयको काम भनेकै राजस्व संकलन गर्ने भएकाले खर्चको लागि अलि हात खुकुलो बनाउपर्छ । खर्च र आम्दानीलाई सनतुलन गर्नुपर्ने अवस्था रहेकाले आफुले सोही अनुसारको काम गर्ने बताए । यसअघिको अनुभव पनि आफुसँग रहेको भन्दै उनले सेयर लगानीकर्ताको मर्कालाई पनि बुझेर सरकार अघि बढ्ने बताए ।
‘पहिले पनि घरजग्गा र सहकारीमा समस्या थियो। त्यतिबेला हामिले कडाईका साथ काम गरेर जोगाएका थियौँ । अहिले पनि हामिले धेरै काम गर्नु पर्नेछ। अहिले जनताको अपेक्षा धेरै छ। अहिले प्रविधिको युग छ’ उनले भने ।