logo

देशकै प्रमुख पर्यटकियस्थल ठमेलमा दुई महिना देखि सडकको बिजोग

   

१९ जेठ/ अर्थ र व्यापार - देशकै प्रमुख पर्यटकियस्थल ठमेलको सडक विगत करिव दुई महिनादेखि अव्यवस्थित हुँदा पर्यटकहरुले सास्ती व्यहोर्नु परेको छ । त्यति मात्र होईन सडकको कारण होटल,पर्यटकहरुलाई लक्षित गरेर खोलिएका पसलहरु बन्दै गर्नुपर्ने अवस्था आएको छ ।
सडक विभाग,काठमाडौं महानगरपालिका ,केयुकेएलको ढिलासुस्तिका कारण निकै सास्ति भोग्नुपरेको र पर्यटकहरुले निकै असहज अवस्था भोग्नुपरेको ठमेल पस्थत व्यवसायिहरु वताउँछन । 

पर्यटकिय स्थल ठमेल पछिल्लो समय मेलम्चि खानेपानी आयोजना र ढल निकासको लागि गरिएको जथाभावि सडक खन्ने र भत्काउने कार्यले पछिल्लो समयमा कूरुप वन्दै गएको छैन,हिँडडुल गर्न नै समस्या भएको छ ।
ठुला–ठुला खाल्टा,कच्चि वाटो, अत्याधिक धुलो उड्ने, सामान्य वर्षा हँुदा पनि पानी जम्ने गरेका कारण ठमेलको सडक हिँडडुल गर्नै पनि असहज बन्दै गएको छ । जसले गर्दा ठमेल वजारको सुन्दरतामा कमि आउने मात्र होइन,प्रमुख प्रर्यटकिय स्थलको छाप नै पर्यटकहरुमा नकारात्मक पर्ने पर्यटन व्यवसायिहरु वताउँछन ।


यस विषयमा कुरा गर्दा काठमाडौं महानगरपालिकाका जिम्मेवार व्यक्तिहरुले ठमेलको साँघुरो सडक र गहिरो ढल भएका कारण काममा ढिलासुस्ति भएको स्विकारे ।

शुक्रवार अर्थ र व्यापार संग कुरा गर्दै ठमेल पर्यटन विकास समितिका महासचिव भवि शर्माले छिटो भन्दा छिटो काम सक्न ठमेल पर्यटन विकास परिषद्ले पहल गरिरहेको वताए । तीन वा चार दिन देखि ठमेलमा सडकको पिच काम सुरु हुने वताए । असार १५ सम्ममा सम्पूर्ण सडकको काम सकिने र पुरानै अवस्थामा फर्किने उनले वताए । 
यता व्यवसायिहरु र ठमेल स्थित बासिन्दाहरुले छिटो भन्दा छिटो काम सक्न माग गरेका छन ।